Presentación de Máis alá!, terceiro volume da Colección Castelao, en Komic Librería

10/05/2013

O mércores 15 de maio, ás 18:00 horas, Inacio e Iván Suárez visitarán Komic Librería para presentar e asinar exemplares de Máis alá!, terceiro volume da Colección Castelao, coeditada por Demo Editorial e Komic Librería. Ademais, entre todos aqueles que acudan á presentación e merquen un exemplar de Máis alá!, ou ben o reserven para ese día vía teléfono ou email, sortearase unha páxina orixinal do debuxante Iván Suárez.

Lámina orixinal de Iván Suárez, que será sorteada durante a presentación.

A Colección Castelao, integrada ata o momento por O pobre tolo, Titoán e este Máis alá!, ofrece un extraordinario achegamento á vida de Alfonso Daniel Rodríguez Castelao, unha aproximación máis humana que simbólica, mítica ou académica, baseada no rigor histórico e a riqueza contextual, sen esquecer a pulsión onírica e humorística presente no seu legado.

Máis alá!, terceiro dos libros que compoñen o ambicioso proxecto de Inacio (guión) e Iván Suárez (debuxo), nos transporta aos recordos de Castelao sobre a súa viaxe europea de 1921, coas súas continuas visitas a museos e os seus encontros con personalidades como o filósofo Bergson, o pintor Corredoira ou o músico Manuel Quiroga, encontros que permiten comprender algúns dos seus posicionamentos éticos e estéticos.

Máis información:

O pobre tolo en Komic Librería

Titoán en Komic Libreria

Máis alá! en Komic Librería

Inacio en Cultura Galega

Iván Suárez en Cultura Galega

Demo Editorial

Castelao. Máis alá
Inacio / Iván Suárez

Demo Editorial / Komic Librería
Tomos: 1