Antonio Seijas presenta La Luz en Komic Librería
09/04/2014
O venres 11 de abril, ás 18:00 horas, Antonio Seijas visitará Komic Librería para presentar e asinar exemplares de La Luz, editado por De Ponent e prologado por Álvaro Pons.
La Luz é o terceiro cómic de Antonio Seijas, resultado dun duro e longo proceso creativo no que deixou de lado a perfección técnica e formal para centrarse nas sensacións e os sentimentos dos personaxes.
No seu prólogo, Álvaro Pons describe a obra como «unha reunión familiar aos pés dun faro, unhas enigmáticas cartas de tarot onde nada é o que parece. Historias de faros, historias que conteñen historias e que mostran a luz que ilumina a vida dun fareiro, e a única verdade do ser humano».
Podedes encontrar máis información sobre La Luz na reseña que publicamos aquí.
Contamos convosco!
