Petrogrado, de Philip Gelatt e Tyler Crook: un complot que cambiou o mundo
A antiga cidade de San Petersburgo, posteriormente coñecida coma Leningrado, tivo entre estes dous outro nome polo que foi coñecida e onde se sitúa a acción desta novela gráfica: Petrogrado.
Trasladámonos á 1ª Guerra Mundial e ao intre preciso non que Grigori Rasputín, o monxe tolo, campaba ás súas anchas pola vila dos tsares. Conselleiro dos Romanov era, dende logo, o home da tsarina, con quen formaba un poderoso equipo traballando ás costas do tsar.
Este relato histórico está cheo de forza, polo que nos conta e, en gran medida, polo debuxo de Tyler Crook. En cada viñeta descubrimos a un creador xenial cheo de poder e sutileza, á vez que nos lembra moitísimo a Eisner.
Non podemos esquecer ao guionista, Phillip Gelatt, que se documentou a consciencia para desvelarnos segredos moi ben gardados que coñecemos grazas ao protagonista, Cleary, un espía británico que non consegue atopar o seu lugar na cidade nin entender a mentalidade rusa. A alma rusa é metade aritócrata e metade labrega, a clase media é unha idea estranxeira.
Cleary é un home moi valioso para o SIS (Servizo de Intelixencia Segredo), sobre todo pola súa versatilidade, xa que alterna tanto coa aristocracia como cos extremistas radicais. Pero todo se vai complicar cando lle piden que asasine a Rasputín, na que será unha peza clave para expulsar aos tsares e coa que se abre a revolución rusa.
Ao final logra acabar con el, pero todos os que dalgún xeito o axudaron ou apoiaron vanlle dar as costas, o que lle fai tomar unha decisión clave para o seu futuro. É a fin da vella Rusia e quizais o comezo dunha nova vida para Cleary.
Petrogrado
Philip Gelatt / Tyler Crook
Norma
Tomos: 1