Altar Mutante #3: gostosos arrepíos
08/09/2015
Como xa vos avanzamos, este venres 11 de setembro, ás 18:00 horas, teremos o gusto de contar coa presenza de dous grandes autores en Komic Librería: Álvaro López presentará o seu cómic Os que levan o lume, do que vos falamos aquí, e Luís Sendón fará o propio co terceiro número de Altar Mutante, do que vos falamos a continuación.
Volve á carga esta publicación, que no seu primeiro ano de vida xa deu a luz a tres fermosas (perdón, queremos dicir noxentas e putrefactas) entregas. Seguindo o ronsel de revistas míticas como Creepy ou Eerie as hordas demoníacas de autores comandadas por Luís Sendón e Álvaro López constrúen terroríficas historias, algunhas autoconclusivas e outras que van progresando número tras número.
Nomes míticos da viñeta galaica como Kike Benlloch ou Manel Cráneo mestúranse con autores de fóra de Galicia, como Javi Godoy ou André Coelho, e constitúen así un fanzine con estilos moi diversos e atractivos.
En riguroso branco e negro, como mandan os cánones do xénero, polas súas escuras páxinas desfilan abominables zombis espaciais, arrepiantes aquelarres, meigas, horribles animais extraterrestres ou traidores suicidas. Seres sobrenaturais que encherán dos seus temores máis segredos a todos aqueles valentes que se atrevan a introducirse no seu interior.
Altar Mutante #3
VV.AA.
Autoeditado
Tomos: 1
 entregas. Seguindo o ronsel de revistas míticas como Creepy ou Eerie as hordas demoníacas de autores comandadas por Luís Sendón e Álvaro López constrúen terroríficas historias, algunhas autoconclusivas e outras que van progresando número tras número.Nomes míticos da viñeta galaica como Kike Benlloch ou Manel Cráneo mestúranse con autores de fóra de Galicia, como Javi Godoy ou André Coelho, e constitúen así un fanzine con estilos moi diversos e atractivos.En riguroso branco e negro, como mandan os cánones do xénero, polas súas escuras páxinas desfilan abominables zombis espaciais, arrepiantes aquelarres, meigas, horribles animais extraterrestres ou traidores suicidas. Seres sobrenaturais que encherán dos seus temores máis segredos a todos aqueles valentes que se atrevan a introducirse no seu interior.Altar Mutante #3VV.AA.AutoeditadoTomos: 1 "Compartir en Facebook")
