Komic Librería presenta: Top 10 de lecturas recomendadas para o Samaín
Achégase a noite do Samaín, e dende Komic Librería querémosvos axudar a que sexa a máis terrorífica do ano, na compaña das lecturas máis arrepiantes destes últimos meses.
10
Brujeando
Teresa Valero / Juanjo Guarnido
Norma
Os máis cativos tamén teñen dereito a pasar un pouquiño de medo esta noite... Medo e gargalladas, un cóctel estupendo grazas ao terceiro tomo deste cómic.
09
Cousas de mortos
Manel Cráneo
Demo Editorial
Que sería desta noite sen os defuntos? E que opinan eles de todo isto? O sepultureiro Manel Cráneo dálles voz neste cómic.
08
Los muertos vivientes
Robert Kirkman / Charles Adlard
Planeta
Acaba de publicarse o cuarto tomo integral desta aterradora obra, na que seguimos a dura loita por sobrevivir nun mundo cheo de zombis.
07
AIDP
VV.AA.
Norma
A brigada que investiga casos sobrenaturais e á que pertenceu Hellboy, AIDP, volve aos andeis de Komic Librería en formato integral, perfecto para ler a carón da cheminea nesta noite tan especial.
06
Rachel Rising
Terry Moore
Norma
Ata o horror se achega tamén Terry Moore no primeiro tomo deste relato de bruxas e demos que provocará calafríos aos máis afoutos.
05
American Vampire
VV.AA.
ECC
O vampiro, outro personaxe clásico do terror, vese brillantemente reformulado neste cómic.
04
Se hai un escritor de terror ao que as adaptacións á bd das súas obras lle acaen como cadáver ao cadaleito, ese é H.P. Lovecraft, ben sexan versións serias, como En las montañas de la locura, ou con humor, como La cripta del horror innombrable.
En las montañas de la locura
Enrique Breccia
Sins Entido
La cripta del horror innombrable
François Launet
Diábolo
03
Sandman
Neil Gaiman
ECC
A editorial ECC presentou a nova edición de Sandman, a obra mestra de Neil Gaiman, da que acaba de publicarse o seu terceiro volume.
02
Creepy presenta Bernie Wrightson
Bernie Wrightson
Planeta
Bernie Wrightson é outro gran clásico do terror que víu como se compilaban as súas páxinas para a revista americana Creepy.
01
Da man de Richard Corben, un dos autores que máis arrepíos produce, chégannos dúas mostras de calidade sobrenatural: Ragemoor, unha historia de tintes lovecraftians, e Creepy presenta Richard Corben, unha estupenda e aterradora escolma do seu traballo para a mítica publicación.
Ragemoor
Richard Corben / Jan Strnad
Norma
Creepy presenta Richard Corben
Richard Corben
Planeta
Agardamos que pasedes unha terrorífica noite, e que estas suxestións vos produzan terribles arrepíos... Bo Samaín a todas e todos!