Recomendacións de cómic infantil e xuvenil editado en 2018
Se hai un par de días compartiamos aquí as nosas recomendacións de cómics españois editados en 2018 por petición do Rei Mago Baltasar, hoxe tócalle o turno ao seu compañeiro Gaspar, que pregunta polas obras máis salientables dirixidas cara o público infantil e xuvenil. Todo un universo no que non deixan de aparecer títulos recomendables para a nosa ledicia e a dos primeiros lectores e lectoras, e no que imos diferenciar entre as novidades aparecidas durante 2018 e as series xa abertas das que sairon números novos.
SERIES ABERTAS
Dentro dos novos números de series abertas cómpre falar dalgunhas das nosas coleccións preferidas como Solos (o quinto integral das misteriosas aventuras dun grupo de nenos por sobrevivir nun mundo sen adultos), Súper Patata (o noso tubérculo favorito xa vai pola súa oitava entrega), Leñadoras (terceiro número desta serie protagonizada por cinco intrépidas rapazas), o cuarto e divertidísimo tomo de Dad ou o terceiro volume da magnífica serie El castillo de las estrellas. Imposible non mencionar o terceiro e derradeiro tomo de Las luces del norte, que pecha esta estupenda adaptación literaria.
Tamén temos que comentar a chegada de novas e agardadas entregas nalgún dos títulos infantís máis aprezados polos pequenos komiqueiros, como son Federico, a cría de foca e as súas simpáticas aventuras, Astro Rato, o astronauta roedor, ou Cecilia Van Helsing, unha pequena investigadora acompañada do seu can Moquillo.
NOVIDADES
En canto ás novidades que o 2018 deixou dirixidas ao público infantil e xuvenil, ademais de nomear a nova edición de todo un clásico como Pumby, escollemos os seguintes dez títulos:
Los diarios de Cereza
Joris Chamblain / Aurélie Neyret
Alfaguara
Tomos: 4
Frnck
Cossu / Bocquet / Guillo
Dibbuks
Tomos: 2
La mujer leopardo, una aventura de Spirou
Yann / Schwartz
Dibbuks
Tomos: 1
Vampi
José Fonollosa
Grafito
Tomos: 1
Gol
Tokio
Demo Editorial
Tomos: 1
La guerra de Catherine
Julia Billet / Claire Fauvel
Astronave
Tomos: 1
El cartero del espacio
Guillaume Perreault
Juventud
Tomos: 1
La sociedad de los dragones de té
Katie O’Neil
La Cúpula
Tomos: 1
El pavoroso miedo de Epifanía Susto
Gauthier / Lefèvre
Norma
Tomos: 1
Narval, unicornio marino
Ben Clanton
Juventud
Tomos: 1