25 de xullo: Santiago de Compostela, a cidade de pedra, nas viñetas
24/07/2019
Mañá celebramos o Día de Santiago, e coidamos que é un bo momento para revisar as aparicións da nosa cidade, Santiago de Compostela, na banda deseñada. Unha pequena selección variada e sorprendente que de seguro interesará aos nosos lectores máis «picheleiros»:
Aleida, cidade sen alma
Víctor Boullón
2016
Komic Librería / Demo Editorial
Unha magnífica historia de intriga e aventuras protagonizada por unha intrépida nena na Compostela do século XII, un álbum orientado cara o público xuvenil pero recomendable para tódalas idades do que xa vos temos falado nesta páxina.
Mascarón de proa
Mariano Casas
2017
Cuocio
O prolífico Mariano Casas explora os límites da realidade neste relato ambientado na nosa cidade onde, curiosamente, fan un pequeno cameo dous libreiros que se cadra coñecedes… Podedes atopar máis información sobre ela aquí.
Punto de fuga
Miguel Cuba
2011
Demo Editorial
Nesta estupenda historia realista, protagonizada por un profesor de debuxo a piques de cumprir os trinta anos, cunha extensa formación académica pero tamén con serias dificultades para enfiar a súa carreira profesional, Compostela aparece como escenario principal. Unha chea de lugares recoñecibles e diversos da cidade aparecen neste libro que non cansamos de recomendar.
Ulf de Jakobsland, os viquingos en Galicia
Alberto Varela Ferreiro
2018
Xerais
Cunha abondosa documentación o autor fálanos das distintas incursións que os pobos viquingos fixeron na nosa terra entre o século IX e o XI, saqueos nos cales a cidade compostelá era un obxectivo máis que gorentoso para os piratas do norte.
Un noruego en el Camino de Santiago
Jason
2017
Astiberri
O historietista noruegués, unha das voces máis persoais da bd europea do século XXI, expón aquí a súa experiencia como peregrino nun álbum que, por suposto, tamén comentamos hai tempo.
Ramiro
Vance / Stoquart
2012
Ponent Mon
Neste relato de corte histórico ambientado na Idade Media o protagonista percorre a península, rematando as súas aventuras diante do mesmiño Pórtico da Gloria. Xa vos falaramos dela no momento da súa publicación.
Dédalus en Compostela
Fernando Iglesias (Kohell)
2015
Fundación Risco e Deputación de Ourense
Cun tremendo acerto, tanto na parte narrativa como na gráfica, afronta Kohell a difícil tarefa de plasmar nas viñetas o texto orixinal de Vicente Risco, onde o propio intelectural ourensán parola e pasea por Santiago con Stephen Dédalus, alter ego de James Joyce.
Batman Demon
Alan Grant / David Roach
1996
Planeta
Esta historia do home morcego non está ambientada en Compostela, senón en Gotham City, pero na escura urbe aparece unha catedral que resulta tremendamente familiar…
La Patrulla-X, el don
James Pruett / Mike Deodato Jr.
Fórum
Ao igual que no caso anterior a acción está situada nos Estados Unidos, en Nova York, pero alí atopamos, cousa rara, certa catedral moi semellante á de Gotham e a unha que podemos aprezar dende o Obradoiro…
Hellboy, la mano derecha del destino
Mike Mignola
2006
Norma
O entrañable e varudo demo vermello visita o Pórtico da Gloria nun dos seus relatos curtos, malia que a espectacular portada medieval apareza situada estrañamente nunha vila guipuscoana.
La Casa de la Troya
Jaime Asensi
2018
Teófilo Edicións
A coñecida novela de Alejandro Pérez Lugín atopa aquí a súa adaptación á banda deseñada da man de Jaime Asensi, que emprega o seu talento para mostrarnos de xeito costumista a vida universitaria compostelá de finais do século XIX.
O misterio do Pico Sacro
Rafael Saldaña
2014
Deputación da Coruña
Este título acadou a condición de finalista do Premio Castelao de banda deseñada no ano 2013 cunha interesante mestura de fantasía e misterio onde Santiago e os seus arredores xogan un papel fundamental.
Abastos
Paco Abelleira / Pedro Colombo / Sagar Fornies / Víctor Rivas / Beatriz Iglesias
2015
3 Pintamonas
Guión de Paco Abelleira e debuxos de Pedro Colombo, Sagar Fornies, Víctor Rivas e Beatriz Iglesias. Outro bo exemplo de Compostela como escenario de bd e outra obra máis que recomendable.
Advaita
Iván Sende
2015
Diábolo Ediciones
Primeira incursión no mundo do cómic do ilustrador vedrés Iván Sende, da que xa vos falamos aquí. Un relato autobiográfico, atípico e moi honesto sobre a procura da espiritualidade por parte do propio autor, incluíndo un percorrido polas tradicións budistas, as técnicas de meditación e a combinación destes estudos e coñecementos coa vida cotiá nunha cidade como Santiago de Compostela.
15 Historietas de Ciencia-Ficción Oscura
VV.AA.
2012
Diábolo
Esta recompilación inclúe a historia curta «Sálvese quién pueda», con guión de Manolo L. Poy e debuxos de Miguel Fernández, que ofrece unha visión postapocalíptica da catedral de Santiago de Compostela na súa primeira páxina.
2015Fundación Risco e Deputación de OurenseCun tremendo acerto, tanto na parte narrativa como na gráfica, afronta Kohell a difícil tarefa de plasmar nas viñetas o texto orixinal de Vicente Risco, onde o propio intelectural ourensán parola e pasea por Santiago con Stephen Dédalus, alter ego de James Joyce.Batman DemonAlan Grant / David Roach1996PlanetaEsta historia do home morcego non está ambientada en Compostela, senón en Gotham City, pero na escura urbe aparece unha catedral que resulta tremendamente familiar…La Patrulla-X, el donJames Pruett / Mike Deodato Jr.FórumAo igual que no caso anterior a acción está situada nos Estados Unidos, en Nova York, pero alí atopamos, cousa rara, certa catedral moi semellante á de Gotham e a unha que podemos aprezar dende o Obradoiro…Hellboy, la mano derecha del destinoMike Mignola2006NormaO entrañable e varudo demo vermello visita o Pórtico da Gloria nun dos seus relatos curtos, malia que a espectacular portada medieval apareza situada estrañamente nunha vila guipuscoana.La Casa de la TroyaJaime Asensi2018Teófilo EdiciónsA coñecida novela de Alejandro Pérez Lugín atopa aquí a súa adaptación á banda deseñada da man de Jaime Asensi, que emprega o seu talento para mostrarnos de xeito costumista a vida universitaria compostelá de finais do século XIX.O misterio do Pico SacroRafael Saldaña2014Deputación da CoruñaEste título acadou a condición de finalista do Premio Castelao de banda deseñada no ano 2013 cunha interesante mestura de fantasía e misterio onde Santiago e os seus arredores xogan un papel fundamental.AbastosPaco Abelleira / Pedro Colombo / Sagar Fornies / Víctor Rivas / Beatriz Iglesias20153 PintamonasGuión de Paco Abelleira e debuxos de Pedro Colombo, Sagar Fornies, Víctor Rivas e Beatriz Iglesias. Outro bo exemplo de Compostela como escenario de bd e outra obra máis que recomendable.AdvaitaIván Sende2015Diábolo EdicionesPrimeira incursión no mundo do cómic do ilustrador vedrés Iván Sende, da que xa vos falamos aquí. Un relato autobiográfico, atípico e moi honesto sobre a procura da espiritualidade por parte do propio autor, incluíndo un percorrido polas tradicións budistas, as técnicas de meditación e a combinación destes estudos e coñecementos coa vida cotiá nunha cidade como Santiago de Compostela.15 Historietas de Ciencia-Ficción OscuraVV.AA.2012DiáboloEsta recompilación inclúe a historia curta «Sálvese quién pueda», con guión de Manolo L. Poy e debuxos de Miguel Fernández, que ofrece unha visión postapocalíptica da catedral de Santiago de Compostela na súa primeira páxina. "Compartir en Facebook")
