8 de marzo, Día Internacional da Muller: un día para reivindicar, loitar, agradecer e ler
08/03/2021
Nestes últimos anos estamos a ter a sorte de poder asistir a un fenómeno que agradecemos enormemente: o progresivo aumento do protagonismo da muller no universo da banda deseñada. Como xa temos comentado en máis dunha ocasión para nós, como libreiros e, sobre todo, como persoas, é tremendamente satisfactorio ver como o número de obras realizadas por autoras medra e medra de xeito imparable. Tremendamente satisfactorio porque é de xustiza, porque aporta novos puntos de vista, porque provoca un efecto dominó (crece tamén o número de lectoras ou a visibilidade social das artistas) e porque significa proseguir no camiño cara a igualdade.
E si, queda moito, moito, por facer, pero se comparamos a situación actual coa de hai dez, quince, ou vinte anos atrás, resulta imposible non ser consciente desta revolución. E facelo cun sorriso e con ganas de seguir aportando os nosos pequenos grans de area nesta tarefa que temos que levar a cabo entre todas e todos.
Así que hoxe, 8 de marzo, Día Internacional da Muller, queremos compartir convosco unha pequena mostra disto que vimos de comentar e falarvos de dez nomes, dez autoras, que nos últimos meses achegaron obras moi diversas, de estilos e temáticas variadas, que nos conquistaron completamente. Lembrámosvos así mesmo outros artigos semellantes que fixemos en anos anteriores e que podedes consultar aquí, no apartado «Mulleres e viñetas». E, sen máis, aquí vos deixamos coas autoras:
Ana Moreiras
Autodidacta e entusiasta a partes iguais, Ana sorprendeu hai uns meses con Madialeva, un estupendo relato en galego ambientado nunha vila luguesa que reivindica o papel das mulleres de hoxe, onte e mañá. Os exemplares que inicialmente autoeditara a autora esgotáronse en pouco tempo, e agora volve estar dispoñible publicado por Aira Editorial.
Maris Wicks
Esta ilustradora e historietista estadounidense é un grandísimo exemplo da bd divulgativa para tódalas idades. Da súa man (en solitario ou acompañada do guionista Jim Ottaviani) chegaron títulos tan recomendables e divertidos para aprender como El teatro del cuerpo humano, Astronautas (Mujeres en la última frontera) ou Primates (sobre o traballo das primatólogas Dian Fossey, Jane Goodall e Biruté Galdikas), todas elas publicadas por Astronave.
Rosemary Valero-O’Connell
Malia a súa mocidade a carreira desta norteamericana-aragonesa vai a fume de carozo e xa conta cunha experiencia importante que lle valeu, por exemplo, dúas nominacións aos premios Eisner. Abraiounos co seu excelente traballo gráfico na novela gráfica Laura Dean me ha vuelto a dejar (editada por La Cúpula con guión doutra autora fundamental: Mariko Tamaki), e hai pouco presentaba No te vayas sin mí (Astiberri), tres poéticos relatos curtos cheos de fantasía onde amosa o seu estilo en todo o seu esplendor.
Chloé Wary
Outra novísima autora francesa que vén de facer a súa presentación no mercado en castelán con Temporada de Rosas (Astiberri), unha historia de realismo social sobre unha adolescente que vive na periferia parisina e xoga nun equipo de fútbol. Aquí podedes ler máis sobre esta obra.
Aroha Travé
Dende Terrassa chega esta artista que nos deixou coa boca aberta con Carne de cañón (La Cúpula), un cómic herdeiro do underground, divertido, ácedo e sorprendente, que nos conta as pequenas aventuras de tres irmáns nunha barriada dos arrabaldos.
Anémona de Río
Tras este nome artístico agóchase a viguesa Aldara Álvarez García, formada no Garaxe Hermético e que nos conquistara con Tam, a obra coa que debutou. Co seu estilo, moi achegado á corrente kawaii (un tipo de ilustración xaponesa que podemos traducir como «curriña») presentou hai uns meses o seu segundo álbum, A proba de auga, unha agradable viaxe polo interior do corpo humano protagonizada por unha pinga de auga moi especial.
Nùria Tamarit
Xa hai anos que nos declaramos fans desta moza de Vila-real que garda unha gran conexión con Galicia. Con Duerme pueblo, realizada a catro mans xunto a Xulia Vicente, e con Avery's Blues, con guión de Angux, amosou o seu enorme talento, algo que queda máis que confirmado coa súa última obra, Dúas moedas (editada en galego por Retranca e en castelán por La Cúpula).
Irene Márquez
Dende as páxinas de El Jueves esta autora foi amosando unha mestría innata á hora de facer humorismo gráfico. O seu é un humor negro, macabro, politicamente incorrecto e ao mesmo tempo divertidísimo e xenial, como puidemos comprobar coa publicación de Esto no está bien (Autsaider).
Ana Galvañ
Posuidora dun estilo moi recoñecible e fascinante, tanto narrativa como graficamente, esta ilustradora murciana conta cunha carreira que non deixa de ir a máis, como demostra no seu último e magnífico traballo, Tarde en McBurger's (Apa-Apa).
Tillie Walden
Outro exemplo máis de autora cun estilo propio moi definido e que, a piques de chegar aos vintecinco anos, conta xa cunha obra extensísima. Debutou co relato biográfico Piruetas, asombrounos cos dous volumes da space-opera En un rayo de sol e, hai uns meses, chegaba a metafórica historia de ¿Me estás escuchando?. Falamos, sen dúbida, dunha das figuras clave na última década da novena arte.
 e porque significa proseguir no camiño cara a igualdade.
E si, queda moito, moito, por facer, pero se comparamos a situación actual coa de hai dez, quince, ou vinte anos atrás, resulta imposible non ser consciente desta revolución. E facelo cun sorriso e con ganas de seguir aportando os nosos pequenos grans de area nesta tarefa que temos que levar a cabo entre todas e todos.Así que hoxe, 8 de marzo, Día Internacional da Muller, queremos compartir convosco unha pequena mostra disto que vimos de comentar e falarvos de dez nomes, dez autoras, que nos últimos meses achegaron obras moi diversas, de estilos e temáticas variadas, que nos conquistaron completamente. Lembrámosvos así mesmo outros artigos semellantes que fixemos en anos anteriores e que podedes consultar aquí, no apartado «Mulleres e viñetas». E, sen máis, aquí vos deixamos coas autoras:Ana MoreirasAutodidacta e entusiasta a partes iguais, Ana sorprendeu hai uns meses con Madialeva, un estupendo relato en galego ambientado nunha vila luguesa que reivindica o papel das mulleres de hoxe, onte e mañá. Os exemplares que inicialmente autoeditara a autora esgotáronse en pouco tempo, e agora volve estar dispoñible publicado por Aira Editorial.Maris WicksEsta ilustradora e historietista estadounidense é un grandísimo exemplo da bd divulgativa para tódalas idades. Da súa man (en solitario ou acompañada do guionista Jim Ottaviani) chegaron títulos tan recomendables e divertidos para aprender como El teatro del cuerpo humano, Astronautas (Mujeres en la última frontera) ou Primates (sobre o traballo das primatólogas Dian Fossey, Jane Goodall e Biruté Galdikas), todas elas publicadas por Astronave.Rosemary Valero-O’ConnellMalia a súa mocidade a carreira desta norteamericana-aragonesa vai a fume de carozo e xa conta cunha experiencia importante que lle valeu, por exemplo, dúas nominacións aos premios Eisner. Abraiounos co seu excelente traballo gráfico na novela gráfica Laura Dean me ha vuelto a dejar (editada por La Cúpula con guión doutra autora fundamental: Mariko Tamaki), e hai pouco presentaba No te vayas sin mí (Astiberri), tres poéticos relatos curtos cheos de fantasía onde amosa o seu estilo en todo o seu esplendor.Chloé WaryOutra novísima autora francesa que vén de facer a súa presentación no mercado en castelán con Temporada de Rosas (Astiberri), unha historia de realismo social sobre unha adolescente que vive na periferia parisina e xoga nun equipo de fútbol. Aquí podedes ler máis sobre esta obra.Aroha TravéDende Terrassa chega esta artista que nos deixou coa boca aberta con Carne de cañón (La Cúpula), un cómic herdeiro do underground, divertido, ácedo e sorprendente, que nos conta as pequenas aventuras de tres irmáns nunha barriada dos arrabaldos.Anémona de RíoTras este nome artístico agóchase a viguesa Aldara Álvarez García, formada no Garaxe Hermético e que nos conquistara con Tam, a obra coa que debutou. Co seu estilo, moi achegado á corrente kawaii (un tipo de ilustración xaponesa que podemos traducir como «curriña») presentou hai uns meses o seu segundo álbum, A proba de auga, unha agradable viaxe polo interior do corpo humano protagonizada por unha pinga de auga moi especial.Nùria TamaritXa hai anos que nos declaramos fans desta moza de Vila-real que garda unha gran conexión con Galicia. Con Duerme pueblo, realizada a catro mans xunto a Xulia Vicente, e con Avery "Compartir en Facebook")
