Komic Librería repasa as novidades editoriais destacadas de setembro de 2012
09/10/2012
Pois ben, case sen decatarnos pasou setembro, o mes da volta á normalidade tralas vacacións de agosto, e entre todas as obras que chegaron á librería salientamos unhas cantas que nos chamaron a atención.
Pode que o libro que desatou máis interese por parte do público foi Portugal, a nova e agardada obra de Cyril Pedrosa editada por Norma Editorial e xa reseñada na nosa páxina web. Das novidades da editorial catalana destacamos a segunda entrega de Quai d’Orsay, a divertida sátira política que nos achega Christophe Blain, e Feynman, a biografía gráfica de Richard P. Feynman quen, xunto con Einstein, foi un dos físicos máis influíntes e importantes do século XX. Ademais, sairon novos números dalgunhas das series mangas máis importantes da actualidade, como Soul Eater, Blue Exorcist, Black Butler e Las Vacaciones de Jesús y Buda.
Unha das editoriais máis activas ultimamente, e cada vez con mellor ollo para o que publican, Dibbuks, presentounos varios títulos interesantes: o integral de Héctor Umbra, obra do alemán Uli Oesterle, que conta unha sorte de thriller fantástico cheo de acción e humor e que se desenvolve no Munich dos nosos días; La isla del gallinero, unha historia de piratas na que dúas tripulacións de bucaneiros compiten por un prezado tesouro; El Rey Banal, unha fábula contempóranea que é máis do que semella a primeira vista; e un tomo integral de Walter el lobo, obra do español José Luís Munuera, orientada cara un público xuvenil e na que, cun estilo moi dinámico (ao modo dos debuxos animados da Warner) narra as aventuras e desventuras de Walter, un lobo moi especial.
Moito chamou a atención a espectacular edición, na que colaboran Entrecómics e Fulgencio Pimentel, de Pudridero, de Johnny Ryan, un divertido e escatolóxico desbarre do autor de Juventud Cabreada.
Outras obras que salientamos son ¿Eres mi madre? (Ramdon House Mondadori), de Alison Bechdel, onde a autora de Fun Home segue a diseccionar a súa historia persoal e familiar, Una metamorfosis iraní (La Cúpula), onde Mana Neyestani conta o proceso no que unha ilustración que realizara para un libro infantil provocou que fora enviada á cadea, e Una asombrosa aventura de Jules (Ponent Mon), un dos tebeos para rapazes que máis éxito tivo nos últimos tempos en Francia, e do que é autor un dos nosos vellos coñecidos, Émile Bravo.
Sins Entido, pola súa banda, sorprende coa edición de Goliat, a revisión do coñecido mito bíblico a cargo do británico Tom Gauld. E comentar así mesmo que Panini reeditou unha das grandes obras da Marvel dos 80, Warlock. La amenaza de Thanos, a odisea cósmica de Jim Starlin.
Por último, xa vos iremos informando dalgunha das obras que van pegar forte este outubro, como a polémica Holy Terror de Frank Miller, ou Olympe de Gauges, a nova obra do dúo creativo responsable da biografía de Kiki de Montparnasse que, nesta ocasión, vainos mergullar na vida dunha das grandes precursoras do feminismo, na Francia do século XVIII.
 narra as aventuras e desventuras de Walter, un lobo moi especial.Moito chamou a atención a espectacular edición, na que colaboran Entrecómics e Fulgencio Pimentel, de Pudridero, de Johnny Ryan, un divertido e escatolóxico desbarre do autor de Juventud Cabreada.Outras obras que salientamos son ¿Eres mi madre? (Ramdon House Mondadori), de Alison Bechdel, onde a autora de Fun Home segue a diseccionar a súa historia persoal e familiar, Una metamorfosis iraní (La Cúpula), onde Mana Neyestani conta o proceso no que unha ilustración que realizara para un libro infantil provocou que fora enviada á cadea, e Una asombrosa aventura de Jules (Ponent Mon), un dos tebeos para rapazes que máis éxito tivo nos últimos tempos en Francia, e do que é autor un dos nosos vellos coñecidos, Émile Bravo.Sins Entido, pola súa banda, sorprende coa edición de Goliat, a revisión do coñecido mito bíblico a cargo do británico Tom Gauld. E comentar así mesmo que Panini reeditou unha das grandes obras da Marvel dos 80, Warlock. La amenaza de Thanos, a odisea cósmica de Jim Starlin.Por último, xa vos iremos informando dalgunha das obras que van pegar forte este outubro, como a polémica Holy Terror de Frank Miller, ou Olympe de Gauges, a nova obra do dúo creativo responsable da biografía de Kiki de Montparnasse que, nesta ocasión, vainos mergullar na vida dunha das grandes precursoras do feminismo, na Francia do século XVIII. "Compartir en Facebook")
