Recomendacións para Papá Noel: os nosos cómics internacionais preferidos do 2020

18/12/2020

Komic Librería: cómics recomendados


Proseguimos co noso repaso aos títulos que máis nos gustaron neste 2020. Desta volta contestamos unha carta que chegou dende, nin máis nin menos, a afastada Laponia finesa. O seu remitente, como podedes imaxinar, é un entrañable cabaleiro de barba branca e traxe vermello que, como adoita facer cada Nadal, pregunta polas obras de autoría internacional que máis salientamos. Aquí vos deixamos a nosa resposta, os dez títulos que escollemos:

 

Recomendacións para o Apalpador: os nosos cómics galegos preferidos do 2020

14/12/2020

Komic Librería: cómics recomendados


Un ano máis, e sen que a ánomala situación pandémica mude esta «tradición», comezamos a recibir en Komic Librería diversas peticións para acertar plenamente á hora de agasallar banda deseñada. Como cada Nadal, compartimos convosco estas escollas por se vos puidesen ser de utilidade. Comezamos co agarimoso Apalpador que, coma sempre, pregunta polas novidades máis salientables deste 2020 na bd galega (ou en galego), e aquí vos deixamos a nosa resposta:

 

Novo servizo de solicitude de cómics e asesoramento a distancia para as datas do Nadal

10/12/2020

Komic Librería


Achéganse xa as datas do Nadal e este ano, co obxectivo de facer máis doadas e seguras as vosas compras, querémosvos ofrecer un novo servizo durante a campaña navideña. Trátase da posibilidade de realizar os vosos pedidos a través do noso correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , para que despois os poidades recoller na librería. Deste xeito tentaremos reducir o amoreamento de xente no interior de Komic Librería, e evitar así mesmo que teñades que agardar no exterior.

 

Selección de cómics para unha biblioteca inclusiva

05/11/2020

¡Sonríe!


Dende hai anos son moitos os centros de ensino que confían en nós para ir completando as súas bibliotecas con obras axeitadas para empregar como ferramentas didácticas. A gran diversidade de xéneros, estilos e temáticas permítenos atopar títulos recomendables para as distintas idades do alumnado e para as necesidades que cada mestre ou mestra nos solicita. Nestas últimas semanas foron varios os colexios ou institutos que nos demandaron bandas deseñadas cunha temática inclusiva, polo que pensamos que non estaría de máis compartir unha pequena selección convosco, por se a alguén lle fose de axuda. Aquí vos deixamos as doce que consideramos imprescindibles, coa idade recomendada para cada unha:

 

Siempre tendremos 20 años, de Jaime Martín: o honesto testemuño dunha época, unha vocación e unha vida

23/10/2020

Siempre tendremos 20 años


Jaime Martín, malia o seu aquel xuvenil, é todo un corredor de fondo no mundo da banda deseñada. Comezou a súa carreira case ao mesmo tempo que a Komic Librería, hai máis de trinta anos, e na actualidade é un autor consolidado e respectado. Hai cousa dunha década, porén, atopouse nun intre complicado a nivel creativo, sen ter moi claro cal ía ser o seu seguinte proxecto. A súa incipiente carreira no mercado francés, grazas a álbumes como Lo que el viento trae e Todo el polvo del camino, abríralle novas perspectivas a un autor que semellaba encadrado no papel de «cronista de barrio» e que, para sorpresa de algúns, foi amosando unha interesante evolución que o confirmou como un excelente e versátil narrador.

 

3/141