NIMUE, de Aldara Prado (Norma): a Dona do Lago coma nunca a miraras.
07/11/2024
En máis dunha ocasión temos comentado o moito que agradecemos e valoramos a valentía e a inquedanza das artistas á hora de crear e levar adiante os seus proxectos, así que estamos de noraboa, xa que esta afouteza e coraxe son notables na obra sobre a que vos imos falar hoxe, un álbum que supón o debut na banda deseñada da historietista, ilustradora e tatuadora coruñesa Aldara Prado e no cal esta creadora atrévese a revisitar a mitoloxía artúrica ofrecéndonos un relato fantástico moi ben artellado e fermosamente ilustrado. E debemos dicir, tras ler as súas máis de cen páxinas, que sae moi ben parada do seu atrevemento.
GLORIA. TODO É OBRA DE ARTISTAS, de Pío Barreiro e Lola Garcerá (Demo Editorial)
07/08/2024
Co mes de agosto chega, por fin, una obra agardadísima por moit@s de vós e por nós mesmos, Gloria (Todo é obra de artistas), a primeira novela gráfica de Pío, alma mater desta casa, que ve deste xeito materializado o traballo de varios anos de documentación e coidada elaboración do guión plasmado en viñetas pola ilustradora e historiadora da arte valenciana Lola Garcerá.
MICROALGAS, de Xulia Pisón: acción e aventuras xuvenís cunha vocación divulgativa.
21/05/2024
Dentro do elevadísimo e variado número de microalgas e cianobacterias que habitan a Terra non son poucas as especies que posúen características extraordinarias, tan sorprendentes que, de seguro, terán un papel fundamental no futuro do planeta e no da humanidade. Malia as súas capacidades para nos axudar en problemas globais tales como a desnutrición, a contaminación ou o cambio climático estes microorganismos seguen a ser bastante descoñecidos a día de hoxe.
ASALTO AL TREN DE GLASGOW, de Abel Alves e Miguel Carmona (Serendipia): entre pillabáns anda o xogo.
20/03/2024
Aló por 1963 quince homes asaltaron un tren postal nocturno que cubría o traxecto entre Glasgow e Londres e transportaba unha importante cantidade de cartos en efectivo, facéndose cun botín superior aos dous millóns e medio de libras esterlinas, unha cifra estratosférica para a época. O rechamante da contía roubada e a meticulosidade da planificación da operación fixeron que o suceso tivera unha grandísima repercusión mediática, tanto dentro como fóra do Reino Unido, ata o punto de ser chamado pola prensa do momento “o roubo do século”e acadar unha certa celebridade posterior algúns dos compoñentes da banda.
ESTO LO HACE MI HIJO DE SEIS AÑOS, de Marco Biturbo (autoeditado): unha teoría da arte con moita retranca.
19/02/2024
No século primeiro antes de Cristo o arquitecto e enxeñeiro romano Marco Vitruvio escribiu De architectura, un monumental tratado en dez volumes que tivo unha gran relevancia na súa época e unha extraordinaria importancia séculos despois, tanto na Idade Media como no Renacemento. Como exemplo disto último podemos poñer o famoso e archicoñecido debuxo de Leonardo da Vinci sobre as proporcións humanas titulado O home de Vitruvio e baseado nas indicacións do autor romano.
1/57
- Anterior
- Seguinte