Top 10 de Komic Librería: Selección de novidades editadas en febreiro de 2015
06/03/2015
Aquí vos deixamos a nosa particular selección das novidades editadas durante o pasado mes de febreiro, un TOP 10 que chega ben variado: agardamos que vos sexa de interese!
10
Bribones: la maldición de la gallina y otras historias
El Torres / Juan José Ryp / Diego Galindo / Miguel Genlot
Dibbuks
A volta ao mercado español desta divertida serie na que se parodia con gusto e imaxinación o xénero de espada e bruxería, empregando con tino os seus tópicos para facer das aventuras de Bram e Weasel unha das recomendacións máis sorprendentes deste 2015.
09
Sally Heathcote, sufragista
Mary M. Talbot / Kate Charlesworth / Bryan Talbot
Ediciones La Cúpula
A apaixonante historia dunha loitadora nata, unha das mulleres que a través da desobediencia civil e da política reivindicaron para as mulleres dereitos laborais e sociais que lles eran negados na Inglaterra de comezos do século XX.
08
¿De verdad, Miss Annie?
Flore Balthazar / Frank Le Gall
Norma Editorial
Tras o primeiro tomo sobre Miss Annie, unha gatiña amiga das trasnadas, descubrimos neste volume as súas orixes, nun relato obrigado para todos os amantes das historias felinas.
07
Ciencia oscura #1: cómo caer eternamente
Remender / Scalera / White
Norma Editorial
Primeiro volume dunhas das series de ciencia-ficción máis agardadas, na que Rick Remender constrúe unha sorprendente historia chea de acción e moi divertida, con moitas referencias a clásicos da ficción científica e na que tamén salientamos o fenomenal traballo de Matteo Scalera no debuxo.
06
Predicador #9: Álamo
Garth Ennis / Steve Dillon
ECC Ediciones
Punto e final tamén para a reedición da particular odisea do predicador Jesse Custer na súa procura de Deus, o emocionante e transgresor colofón dunha das obras fundamentais no cómic estadounidense dos anos noventa.
05
Poison Ivy
Yann / Berthet
Norma Editorial
A parella creativa responsable de Pin-up recupera aquí o personaxe da sensual femme fatale Poison para introducila nas filas dun comando de mulleres especiais na Segunda Guerra Mundial. Aventuras, acción e humor cun debuxo excelente.
04
El lobo de mar
Riff Reb's
Spaceman Books
Excelente adaptación dun dos relatos de aventuras máis coñecidos de Jack London, no que se nos conta a relación entre Humphrey Van Weyden, un crítico literario, e Lobo Larsen, o cruel e amoral capitán do barco que o rescata tras sufrir un naufraxio.
03
Los 3 frutos
Zidrou / Oriol
Norma Editorial
O prolífico guionista volve aos nosos andeis, desta volta cun desacougante conto sobre a cobiza humana no que sobresae o excelente traballo plástico de Oriol, que volve acompañar a Zidrou tras La piel del oso.
02
André el Gigante: vida y leyenda
Box Brown
Astiberri
Unha interesante compilación de anécdotas que nos achega á figura de André o Xigante, unha das primeiras superestrelas no mundo da loita libre americana, tamén coñecido pola súa participación na película A princesa prometida, e da que vos falaremos máis polo miúdo proximamente.
01
Magasin Général #9: Notre-Dame-des-Lacs
Loisel / Tripp
Norma Editorial
Por fin foi publicado o agardadísimo derradeiro tomo desta magnífica historia costumista ambientada no Quebec dos anos vinte. Unha obra coral que avoga pola tolerancia e o entendemento, unha lectura amable cun estupendo sabor clásico.
