O ano 2025 non estaba a ser tan prolífico na edición de obras en galego como os anteriores mais as editoras tiñan reservadas para os últimos meses algunha que outra boa nova como a fermosa edición do tomo que recopila os catro títulos da colección Castelao dos que a nosa librería  fora impulsora e co-editora xunto con Demo Editorial.

No referente a obras foráneas traducidas cabe destacar as clásicas editadas por Rinoceronte, "Ghost World", "Pílulas Azuis" e a saída do novo título "Hilda e Twig resgárdanse da chuvia".  Xerais publicou "Heartstopper # 4 / 5" e o novo título de "Astérix en Lusitania". A catalana Bang que edita "Super pataca" en galego sacou catro tebeos de grapa deste persoaxe e dous títulos da nova serie "Super ninja Kururo".

De autoría galega publicadas en castelán lembrámosvos "Receta de la magia" e "Meigatas" de Paula Cheshire e por suposto "Anzuelo" co que comezamos o noso listado de adultos. En canto a series de producción propia, polas que Galaxia segue a apostar, apareceron os novos títulos "Sentinelas no Limiar Das Tebras", "Sentinelas da Lúa Carmesí ", "Historias do Páramo" e "Brigada iridiscente". Por parte de Antela publicáronse  "Erea e as agullas máxicas" e "En busca do Muncho" De todas estas obras fomos falando en publicacións anteriores ao longo do ano polo que preferimos incluir outras no seguinte listado.

Péchase outro ano  con moitísimos títulos destacables no que continuaron saíndo números das coleccións xa establecidas como favoritas dos lectores máis novos, como por exemplo:  Avni #8, Polican #13, Astro Rato e Lampadiña #7, Barbara #4, Caty cuidadora de gatos #3 ou o clásico Astérix #41 . 

Deixámosvos o listado da nosa selección comezando polos de menor idade:

O ano que remata foi especialmente prolífico no que se refire á edición en España. Atopamos moitos máis títulos coa suficiente calidade para estar nesta lista mais a nosa intención e axudarvos a escoller algunas máis que falar de todas. Mencionaremos aquí neste párrafo algún dos que xa falamos ao longo do ano como "El peso de los héroes de Sala", "Le llamábamos Bebéto", "Anzuelo" de Enma Ríos, que incluiremos na lista dos galegos ou os recén publicados "El conflicto eterno" de J.Sacco ou o magnífico "Meteoros" de J.C.Deveney e T. Redolfi.