17 de maio, Día das Letras: Komic Librería na Romaría dos Libros

16/05/2019

Komic Librería: Día das Letras, Romaría dos Libros


O vindeiro venres, 17 de Maio, celebraremos o Día das Letras Galegas nunha nova Romaría dos Libros de Primavera convocada e organizada por Compostela Literaria. Estaremos, como vén sendo habitual, na Praza de Mazarelos desde ás 11:00 ata ás 21:00 horas e, a partires das 18:00 horas, teremos no posto de Komic Librería a dous autores asinando exemplares das súa obras: Jorge Campos e Víctor Boullón.

 

Unha mestra en apuros, sálvese quen poida, de Pilar Serrano e Jorge Campos

14/05/2019

Unha mestra en apuros


Esta semana celebramos o Día das Letras e, como vén sendo habitual dende hai uns anos, en Komic Librería sacaremos os libros á rúa para participar na Romaría dos Libros que terá lugar na Praza de Mazarelos, nun venres de festa no que estaremos moi ben acompañados. Ademais de contar coa presenza de Víctor Boullón, autor de Aleida, cidade sen alma, teremos connosco a Jorge Campos, que asinará exemplares da súa última obra: Unha mestra en apuros, sálvese quen poida.

 

David Braña e Mariano Casas presentan «Historias casi negras» en Komic Librería

09/05/2019

Historias casi negras


O venres 10 de maio, a partir das 19:00 horas, David Braña e Mariano Casas visitarán Komic Librería para presentar e asinar exemplares do cómic Historias casi negras, unha recompilación de dez relatos situados nos límites do xénero negro, creados por catorce autores e autoras e editados por Cuocio Editorial.

 

Historias casi negras, de VV. AA.: dez relatos nas beiras do xénero negro

08/05/2019

Historias casi negras


Presentámosvos hoxe Historias casi negras, unha curiosa escolma que, como anuncia o seu título, reúne dez relatos que podemos situar nos límites do xénero negro. A modo de divertimento ou experimentación, catorce autores e autoras xogan cos estereotipos do estilo policial para construír historias de estilos moi diversos, tanto no gráfico como no narrativo.

 

Día do Libro 2019: 11 lecturas recomendadas para celebralo

23/04/2019

Kafkiana


Hoxe é un día moi especial para Komic Librería. Como cada 23 de abril celebramos a existencia dun artefacto arredor do cal xira a nosa vida, unha invención xenial coa cal aprendemos, gozamos, viaxamos, divertímonos e moitísimas cousas máis. Falamos, por suposto, do libro. E, como vén sendo habitual nesta xornada de festa, propoñémosvos dende aquí unha selección de bandas deseñadas escollidas especialmente pola súa relación co libro e coa literatura. Algo que xa fixemos en anos anteriores, con propostas que podedes lembrar nas seguintes ligazóns: 2013, 2014, 2015, 2016, 2017 y 2018.

 

1/130