Thom, de Andrés Meixide: unha boa mostra de humor gráfico
24/03/2014
Malia ser ás veces inxustamente esquecida, a tira gráfica ou tira de prensa ten un papel fundamental na historia da banda deseñada pola súa variedade e, sobre todo, pola súa importancia no nacemento e difusión da novena arte. Estas historietas, xeralmente protagonizadas por un ou varios personaxes fixos, teñen unha extensión curta (que vai de tres ou catro viñetas ata unha páxina enteira) e son publicadas nun xornal, nunha revista ou, actualmente, na Rede.
Decote asociamos as tiras ao xénero cómico, e de feito a maioría dos exemplos que podemos atopar hoxe en día encaixan no chamado humor gráfico, pero non debemos obviar que as aventuras, a ciencia ficción ou o xénero policial deron os seus primeiros pasos neste formato. Little Nemo, El Príncipe Valiente, Flash Gordon, Dick Tracy ou Krazy Kat son títulos que certifican o rol da tira como berce da bd actual. Máis achegadas á nós no tempo atopamos obras que xa forman parte indiscutible da cultura popular, como son Mafalda, Carlitos & Snoopy, Garfield ou Calvin & Hobbes.
Cómpre lembrar que na tradición galega de ilustración e historieta o humor gráfico ocupa tamén un lugar imprescindible, dende a elegante crítica dos debuxos de Castelao ata as viñetas de Xaquín Marín ou de Xosé Lois. Nos últimos anos agromaron varios exemplos que continúan esta liña artística, e entre eles sobresae a obra da que vos imos falar hoxe: Thom, de Andrés Meixide.
Moit@s de vós coñeceredes a este peculiar granxeiro estadounidense emigrado na nosa terra, xa que dende hai sete anos aparece de xeito diario en La Voz de Galicia. Non obstante o seu nacemento é bastante anterior, asociado á revista Golfiño, onde apareceu por primeira vez aló polo ano 1999.
Un tempo despois, en 2004 e dentro da colección Bd Banda da editora Factoría K, fixo a súa aparición unha primeira escolma das aventuras e desventuras deste ianqui no rural galego. E hai ben pouco que Jesús Egido, editor da madrileña Reino de Cordelia, decidíu apostar por el para continuar a súa inmersión na novena arte, tras debutar con moi bo pé publicando Little Sammy Sneeze, de Winsor McCay.
O resultado non podía ser máis espectacular, arredor de 600 tiras seleccionadas polo propio autor (dous tercios delas a cor, as outras en branco e negro), nun formato apaisado en tapa dura con sobrecuberta, perfecto para gozar coa súa lectura.
Debuxada con trazo firme e a soltura que dan todos estes anos de experiencia, Thom é unha divertida e irónica visión da vida no rural e en xeral, xa que os seus personaxes teñen unha tendencia tremenda cara a filosofía retranqueira, especialmente a man dereita de Thom (que é tan protagonista coma el): o porco Cholo, preguiceiro e sempre cun as para matar un tres.
Polas súas páxinas desfilan tamén João, un galo de Barcelos, e Carlota, unha vaca tola moi especial, ademais de numerosos personaxes secundarios que farán nacer un sorriso nos nosos rostros. Unha obra, pois, que vos recomendamos e que vos encherá de bo humor.
Thom
Andrés Meixide
Reino de Cordelia
Tomos: 1
 e son publicadas nun xornal, nunha revista ou, actualmente, na Rede.
Decote asociamos as tiras ao xénero cómico, e de feito a maioría dos exemplos que podemos atopar hoxe en día encaixan no chamado humor gráfico, pero non debemos obviar que as aventuras, a ciencia ficción ou o xénero policial deron os seus primeiros pasos neste formato. Little Nemo, El Príncipe Valiente, Flash Gordon, Dick Tracy ou Krazy Kat son títulos que certifican o rol da tira como berce da bd actual. Máis achegadas á nós no tempo atopamos obras que xa forman parte indiscutible da cultura popular, como son Mafalda, Carlitos & Snoopy, Garfield ou Calvin & Hobbes.Cómpre lembrar que na tradición galega de ilustración e historieta o humor gráfico ocupa tamén un lugar imprescindible, dende a elegante crítica dos debuxos de Castelao ata as viñetas de Xaquín Marín ou de Xosé Lois. Nos últimos anos agromaron varios exemplos que continúan esta liña artística, e entre eles sobresae a obra da que vos imos falar hoxe: Thom, de Andrés Meixide.Moit@s de vós coñeceredes a este peculiar granxeiro estadounidense emigrado na nosa terra, xa que dende hai sete anos aparece de xeito diario en La Voz de Galicia. Non obstante o seu nacemento é bastante anterior, asociado á revista Golfiño, onde apareceu por primeira vez aló polo ano 1999.Un tempo despois, en 2004 e dentro da colección Bd Banda da editora Factoría K, fixo a súa aparición unha primeira escolma das aventuras e desventuras deste ianqui no rural galego. E hai ben pouco que Jesús Egido, editor da madrileña Reino de Cordelia, decidíu apostar por el para continuar a súa inmersión na novena arte, tras debutar con moi bo pé publicando Little Sammy Sneeze, de Winsor McCay.O resultado non podía ser máis espectacular, arredor de 600 tiras seleccionadas polo propio autor (dous tercios delas a cor, as outras en branco e negro), nun formato apaisado en tapa dura con sobrecuberta, perfecto para gozar coa súa lectura. Debuxada con trazo firme e a soltura que dan todos estes anos de experiencia, Thom é unha divertida e irónica visión da vida no rural e en xeral, xa que os seus personaxes teñen unha tendencia tremenda cara a filosofía retranqueira, especialmente a man dereita de Thom (que é tan protagonista coma el): o porco Cholo, preguiceiro e sempre cun as para matar un tres.Polas súas páxinas desfilan tamén João, un galo de Barcelos, e Carlota, unha vaca tola moi especial, ademais de numerosos personaxes secundarios que farán nacer un sorriso nos nosos rostros. Unha obra, pois, que vos recomendamos e que vos encherá de bo humor.ThomAndrés MeixideReino de CordeliaTomos: 1 "Compartir en Facebook")
